愛上了

認識，初次接觸，便愛上了。
這算是一遇鍾情？

我們相像也不相像，
但你所蘊藏的智慧，
令我著迷。
你使我暫時忘記煩憂。
我就是如此的喜歡你。

感謝，認識你！

失望-快樂

失望來自現實世界與自己所想象的不一樣。是的，簡單一點來說，假若你有對的程式，配合工作，得出一個最高可能性的＂結論＂。而自己的應性思維卻不願相信。是沒辦法嗎？這不就是方法嗎？如果，＂失望＂會導致＂不快樂＂那麼，還是該選擇＂不舒服＂但不會＂不快樂＂較好。不是嗎？

近來，學習了一個簡單且愉快的方法為自己舒緩緊張及不快。很感恩！而不論我到底是太緊張，太多不愉快等原因喜歡上這個方法，還是因為有趣所以喜歡也好。愛上這個屬於自己且一心一意去做一件事的寧靜感！

死亡 - 下

我地其實到頭來,無論係點表現,每個人都只係為左自己.
唔係咩???

他人生命嘅完結, 喊 : 原因? 太可惜??咩呢?(你自己覺得) 唔捨得(好明顯係自己問題) 佢有太多福未享.. (你比??咁係你冇做好自己丫) 佢之前都太不幸 (咁佢自己揀架,關你咩事?)
他人學業結束, 笑 : 原因?? 好丫.終於完喇 (生命絕對唔會咁睇) 哦,可以回饋社會/父母喇 (明顯靠估,估中都係你恭喜自己丫) 終於完成你自己嘅心願喇 (你點知死果d唔係??) 咪好囉,步入另一階段 (死呢?你又點知唔係??)

當然,講唔同,當中實有好多唔同,但咩導致我地"咁唔同"...點解我地會咁唔同?正確黎講,點解我地會/要睇得咁"唔同"????....

每個人生命都有完結嘅果一日,我地喊,係因為自己.但若果好理性咁睇.我地應該嘗試企向死者嘅立場去諗...如果佢在世時,已經完成佢嘅"心願",佢一直生活都好充實,好快樂.咁我地唔係應該為佢之前有過嘅快樂而為佢高興咩?? ( 人有幾多個可以活得咁正??) 而如果,佢生活一直好無聊,佢好可憐或病得好辛苦.咁呢個結束唔係都係一件好事咩?? 又如果,唉..佢剛剛開始重新做人咋.咁都唔錯丫,佢死前都明白左d正確嘅道理.又或者,呢個本來好人,但最後變左個仆街.well,咁世界小個仆街,佢做小d陰功野.對佢對大家都有so 丫....

噓!!咁人黎架麻...自私就梗架啦.
係,咁喊咪就應該話囉 : 我自私.就係咁囉
而當傷心過後,再諗諗...其實,或者我應該...為佢高興!

人嘅一生亦唔會白過的.




佢係仆街.拍手 (小個敗類)
佢係好人.拍手 (佢嘅人生真係過得good)
佢係慘人.拍手 (終於捱完苦喇)
佢係快樂人.拍手 (好小人嘅一生可以咁happy,讚)

反正,最後我地都係得一條路
條路仲有冇路唔知
冇嘅話,即係套用呢種心態 ( tiu, 世界就黎沒日啦,仲唔有得食就食,有得玩就玩咩) ( yes, 比自己多d經歷,充實人生)
有嘅話 : 唔做好d,第時上面見到咁多兄弟姊妹...點交代呀???


對自己好d,對他人好d.過好自己嘅生活啦

死亡-中

唔記得十幾歲嘅邊一年,我兩位舅婆,仲有一位無親戚關係嘅孤獨老人翟/霍婆婆相繼離世,但我除左知道新年唔會再見到佢地,同再食唔到我其中一位舅婆做嘅菜之外,我都冇太傷感嘅感覺.

第一次見到”死人”係我太麻離世嘅時候.我所有家人都似乎冇乜點喊(完全冇乜印象有人喊過)加上太婆都100零幾歲喇,活過一世紀,算係好長命架喇~而且佢尾果幾年因為跌倒.行又唔到,記憶力嚴重衰退,到我細叔結左婚,生埋BB,太麻就走喇.我唔知係咪個個鄉下都係咁,屍體就咁放向廳到一日一夜,第二日就火化…我只係記得太麻好似訓左覺咁…好似我過往每一隻寵物仔咁…好靜..好靜…

記得有D我救唔返嘅動物仔離世,見住佢地好辛苦咁,身體唔能夠再活動自如,眼睛睜得好大…呼吸好急速…我唔知佢係因為想再望清楚呢個世界,留戀,定因為透唔係好到氣所以咁樣…見住佢地好用力,快而淺嘅呼吸…到最後一啖氣..我只係識喊…到底我係因為佢地辛苦?定係因為我認為佢地所”感受”到嘅諗法,定係因為我”唔捨得”呢?我完全搵唔到答案.

到上年,一隻我好愛嘅小貓離世..由於佢仲係小貓咪時,我向街到帶佢返屋企…整個感覺就好似…一年多D嘅時間到,係睇住佢大..睇住佢走..接著,今年到我舅母離去,佢亦係我媽咪多年黎唯一嘅好朋友.佢亦係我見到嘅第二個離去嘅人類屍體.前前後後,我喊左3次,第一次係見到舅父同表弟強忍眼淚到崩潰嘅情景,第二次係向富山殮房嘅”見面”,好凍…好靜…第三次係我媽咪嘅原因…我似乎感受到佢嘅痛,無助..再之後,我冇再喊了.

回顧返,三十歲人,大大話話都見過唔少生命離開.面對離開嘅次數多過我見證生命嘅來臨,多過我其他嘅所謂”不快樂”事件.到左今年,我好認真咁諗,死亡,對於在生嘅人黎講,其實應該係一樣點樣嘅事.

無論我相信D乜,死亡依然係一個生命嘅完結/結束.某日,我向到諗諗下,完結/結束呢兩隻字,我諗到”旅程””挑戰””學校課程”等等..其實我地嘅反應好迂迴,然後,我又諗到去”慶祝””祝賀”

我唔知我咁諗,係咪有D人會認為我唔係好通定點..不過我大致上係咁睇

我地會向人地嘅旅程,挑戰,學業”完結”時慶祝,但”生命”呢??

死亡 上卷

細細個，我就成日諗＂死＂呢樣野。
唔係諗自己點死，係諗＂死＂到底係點？死者死嘅時候辛苦嗎？咁係咪黑媽媽之後就乜都冇架喇？定係仲存在向同在生者一樣嘅世界？定會去另一個世界？咁係咪有地獄有天堂？又有輪迴？咁向天堂做乜架？地獄又點架？可唔可以閃架？咁點解又要輪迴呀？咁若生死有命，命運又有定，咁仲有乜好做呀？反正都有"主宰"架啦。即係一出世就等上天堂或落地獄，中間過程冇得點話事，或你以為自己話緊事但其實結局都係一樣。即一出世，就比唔知邊個玩緊？

果時接觸＂死亡＂一般係透過觀察自己寵物瓜柴嘅過程或透過電視，電視方面主要係黎自警訊節目。然後先知，除左自然死，病死外，有d死亡係可以人為架。如他殺，意外。我好好奇佢地死之前係點？驚嗎？睇到嘅景象係乜？好多時諗諗下就諗到頭皮發麻。成晚訓唔到。當然，亦好擔憂，有日，身體疼愛嘅人，要經歷一樣唔知點樣嘅事。而呢樣野，似乎又係眾多向學校學唔到嘅野其中嘅一樣。（我果個年代唔會有性教育，而其中一個好重要嘅課題，去到今時今日都冇！果樣叫理財概念。）anyway,死亡向社會入面都好似禁忌咁。（好人好姐，講乜鬼野死丫。而且冇人識得講呢樣野。試問，我d問題邊鬼個識答？）

到大大下，我依然係對＂死亡＂懷有好多問號同恐懼。但同時又有d嚮往。果陣自身價值低，唔知係咪大部分青少年都係咁？捱過就曉大？即好似某d動物嘅＂自殺行為＂咁，其實背後係因為＂生存＂？記得大概向我12，13歲果年，開始興起自殺文化，果時真係好想了解下究竟係點。亦由果陣上左鋪＂自殘＂癮。再抵死d嘅係，我竟然覺得好舒服！(如今我能解釋，身心同源)繼後，當自己覺得自己吾能夠承受某d野時，就會想一死了之。咩養育之恩呀，其他人唔捨得呀，等等嘅諗法，我會用四字回應：關我叉事。由其係我有個＂整定＂論。（前面講果堆）由於咁樣，自然認為呢個世界冇野玩，咁死由自己決定唔係好d咩？更痴線嘅一個念頭係咁:係喎！諗諗下，死起碼叫有得揀，咁不如揀最開心果日死啦！（呢個諗法，我曾經同一個好朋友分享過）朋友隨即問我：點解？我答：我可以帶住快樂死囉！最開心果日喎，起碼bye bye果日我好happy丫! At the end 都咁happy,難得呀。我朋友再追問：你點知果日係最開心？咁如果果日嘅聽日，後日，或者是但一日更開心呢？我答：唔知架，但果刻我認為已經係最開心果日就夠啦！
明顯地，向呢個問答上，最後我堅持我認為嘅，佢亦堅持佢嘅唔認同。佢唔認同唔係死唔死呀，而係＂最開心果日＂嘅定義係如何。家下諗返，我好開心我身邊竟然有呢個＂不正常＂朋友可以同我講呢d話題。果年，我16歲。

打風

打風嘅一整日幾乎都在家.(除左上午部份時間,及下午晚間小量時間外).
整日執執執執執執執 (執屋) 執到幾乎痴線
不過咁樣執一執其實都有D著數.
將我 D寶貝分晒類,以後搵黎睇都方便好多

不過同我執野嘅人真係幾忟!
我豬油包咁,又冇乜系統.
但向執野過程中總算學識點樣歸納
似返小小樣 (至少實際拎到 D經驗, ESPECIALLY 我唔瀨嘅野)

向執野過程中,事後檢討,有幾項事情係我留意到嘅


1 唔專心 (真係唔知點解係要篤下呢樣果樣)
2 鍾意倒到周圍係先慢慢砌 (攪到七國咁亂)
3 時間預得勁差
4 依然唔識合作 (仲覺得其他人阻住我)


針對上述各項,已諗到部份自己可以做嘅事,改善效率
1 開大音樂.聽住執 (咁咪唔專心地專心囉)
2 其實問題不大.我真係鍾意咁執
3 唔約人就NO PROBLEM.街都唔落就得
4 自己一個人時執
都叫解決左部份丫可??

向執 NOTE時,發現好多自己以前寫落嘅記事
我而家睇返都覺果陣自己寫 D 野好勁! ( SHIT! DOES IT MEAN I AM 退步ING?? )
不過,我任何時候,任何環境,我都喜歡任何心態,任何情緒嘅自己!
(呢下真係勁喇叫!哈哈)

最後,希望呢個風所帶來嘅自然災害有咁細得咁細 (股市唔包!)
打風雖然可以好好訓.但我無法因"放假"而感到值得高興!

我的新作

媾仔經之：得過且過，關仁蛋治
與其講媾仔經，不如講賤男賤女向感情上耍嘅把戲。
小女子絕非玩世不恭之人，只係鍾意從實戰獲取經驗，並嘗試從幾方面探索一下，再將其化作"論"而矣。
曾幾何時，"前度"係一個我作為研究嘅topic，當然我何得何能保證100%完全肯定丫？只係幾十次嘅事件中睇到相同嘅嘢咁解。有吾同嘅結果，歡迎話我知。
"前度"有咩咁好玩或者有乜"吸力"？講真丫，我吾知！不過核突d講，倘若相方吾係極度"懷恨在心"又或者其實仲有d感覺，佢絕對完全"方便快捷"
由其係其中一方什至雙方都"單"緊時。
我指係單戀，單身，單思。絕非單車！
好喇，講正題。好玩向邊？

變態論：

1我好有位置(even我心中有第個或你心中有第個，埋到你身=challenge成功)
2我好正！
3方便就手，拍拍羅柚可以走
4you think you know me , maybe you think we'll be together, who care what you think? does it really matter? do you really know me? you really think you can read somebody mind?
5but i know you

而呢d變態勁在佢地好識睇眉頭眼額。從態度，時間，表情(當然人物係最中心)去搵個切入位，幾嘢k.o.食完收工。若果吾覺意比件前度蛋散痴埋左，過個幾兩個月搵d理由耍走佢。收工！呢d變態吾會hurt架。(有d人性嘅微hurt囉)但你就勁hurt喇。(咁當然如果你都抱住食飽算，呢d副作用將會極微)
佢地慣常手法係得過且過。
如：
講明再見亦是朋友，但見面又攬又錫果d，事後欲擒欲縱令你產生一d"情感反應"再見機行事
講明食飯，但借d夷摸下你頭髮又讚你又幾幾幾吾同左(又係令你產生反應)
基本上如你單身，十居其九都中招！(你出得去，你有幾想見佢你自己知)
係架！現身果下佢贏左一半！

最後，當然有分手只是朋友嘅！捱過呢段(前題係大家剋己或已有個新伴啦)(有新伴吾包一定冇事發生！睇下d人有冇變態成份啦下)

否則，你已進入另一地獄！

(小女子講得咁狠梗有親身歷史背景撐撐嘅，其後亦眼見及聽聞不少)

最後，如各位遇上此等情況，我希望各位大步larm過。平安渡過！
祝各位旅途愉快！

Quote

近日愛上睇d名人名句
以下係自己覺得好有意思嘅幾句

Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny. - Frank Outlaw


Here’s the test to find whether your mission on Earth is finished: if you’re alive, it isn’t.
- Richard Bach

Everything is okay in the end, if it's not ok, then it's not the end.
-Author Unknown

Begin doing what you want to do now. We are not living in eternity. We have only this moment, sparkling like a star in our hand and melting like a snowflake. Let us use it before it is too late.
- Marie Beynon Ray


當中的智慧，你們被感染到嗎

煩惱

究竟點先無煩惱？
好難架！
我地係凡（煩）人
梗有煩惱（煩腦）
腦能有效繁忙於正確的事上
我覺得係好有效率嘅事
但煩忙於正確的事上
點都係浪費力嘅事
如何能正確使用腦袋去分清楚點攪點做就成了重要一步
如何呢？諗諗

哈哈!咁低B架

今日同家人食飯閒聊
講下 GALAXY3 有乜好玩 GAME 呀(我老竇新寵)
講下咖哩薯仔呀(我老竇煮嘅餸)
講下執房呀(今日小西子嘅活潑)
講下呀 REY 呀(我家中最嘈果個細路)
之後講到近日極惡貓尿味..話唔知邊隻貓向唔知邊到去廁所
我老竇話係呀 REY
佢話呀 REY大個仔, COMPLAIN 冇男廁(我家中其餘兩隻細路係女仔)
所以自立門戶.如向我地洗白白個位
我老竇一路食飯一路繪影繪聲咁講話自己早上去廁所
呀 REY 眼 look look明明見到有人都照 un 屎 (我老竇係咁講)
我向到笑笑口咁話,老細,我都想唔 un 呀... 但我 un 開冇理由 lung 住走丫
然後大家笑笑笑(係幾無聊架)
跟住我老竇又話喇.呀 REY 仲向貓兜隔離痾呀
我話...係咪真係佢呀??
我老竇話,見到佢向地下好似撥沙咁抹手啦
到護兒心切嘅小西子話喇 : 咩呀?呀 REY 佢行過貓砂盤附近
聞到貓尿味都會咁架
我完全冇經思考向心入面講左句  : 哈哈.咁低B架
隨即就諗 : 點低 B? 佢天性係為左逃避敵人或追蹤而要掩蓋排泄物嘅味道
只係我隨即又諗 : 咁家下都冇沙.抹乜鬼呀

係囉. 我地向"外"睇就梗係覺得好笑啦
但又有幾多日子,幾多時間.我地都做緊隻冇貓砂但又撥貓砂嘅貓仔呢?
如果"冇意識"嘅"唔知咩意義"行為 係咁低B時
大部份人類每日低B嘅對話.行為都相當十分之多
人有錯手馬有失蹄.我實 YEAH 架
但我多謝篤我發現"低B"嘅人
至少我能有效減少"低B"次數.
更有可能成為一個多D"sense"嘅人

恭喜

基本信息

恭喜  [拼音] gōng xǐ 　　[英文]  congratulations
 [基本解釋] 　　恭賀别人或團体的喜事/祝賀人家的喜事。 　

例: 恭喜，恭喜，你高升了

詳細解釋

出處 　　
1. 應酬語。表示問候或祝賀。 　　
《京本通俗小說- 碾玉觀音》：“ 崔大夫 恭喜了，你卻在這裡住？”《兒女英雄傳》第二一回：“九籌好漢聽了，笑逐顏開，都道：‘恭喜！買賣到了！’” 周而复 《上海的早晨》第一部六：“你考上了，恭喜你，小鬼丫头。” 　　
2、指可喜可贺之事。 　　
《儒林外史》第五回：“這倒是他的意思，說姐姐留下來的一點東西，送與二位老舅添着做恭喜的盤費。”此指科舉中式。 清 李漁 《意中緣·悟詐》：“去歲恭喜，小弟因為不知，未曾奉賀，多有得罪。”此指結婚。 魯迅 《彷徨·孤獨者》：“ 魏大人 恭喜之後，我把正屋租給他了。”此指任職。



事緣 : 有位識咗好短日子嘅男性友人第二次約我食飯.
第一次不成功,base on
1. 我唔希望比機會佢追我(如果係,皆因我只能做朋友不能更進一步)
2. 睇定d(我知我唔係咩天姿國色,所以避免可能我誤解人)
3. 呀媽生日
第二次約我,我答:可能得嘅,睇下果日節目點

跟手我另一位知情嘅朋友A恭喜我

就恭喜二字,我又發揮我嘅宇宙

成日恭喜,恭喜乜鬼野先得架?

1. 呢位朋友A一早話佢會追我.例如前前前嘅咩咩咩行為,咪即係追囉
OK, Anyway, 就當呢個行為係追,咁恭咩喜我?佢應該恭喜佢自己估中.
再者,之前你都話係追咯,咁而家咪又係追,仲係同一個.冇變化嘅.
我於是問,朋友A係咪鍾意恭喜事情原地踏步!
2. 朋友A話,你答"可能"即係有希望啦.咁咪恭喜囉
咁你都係恭喜果位先生.而唔係恭喜我丫.
仲有,"可能"客觀d睇,唔係等如"有希望"而係可以係"有希望".佢同樣包含"冇得望"
3. 朋友A話,噓,你話想要伴麻.
攪清楚.我每次強調"伴"對於我黎講個定義係點.而我相信朋友A十分清楚
4. 約食飯呢D叫追嘅話,我諗我日日都比人追.又恭喜D乜?(除非我係極級怪獸,雖然我成日講自己係.但約食飯,朋友A知我有幾咁多飯局未赴約)
5. 除非係反話,明講黎夭潤我! (朋友A話唔係)

咁好喇,恭喜呢兩隻字有乜意義呀?!等如早晨呀???
最有趣係,朋友A問我係咪好討厭人地恭喜我.點解識我咁耐,一講恭喜我就一定妖佢

我好快答.仲好意思問,咁多年你都仲係冇學到乜
At least 你可以當我唔鍾意恭喜丫
咁你唔多講至少唔會比我妖
其次嘅係,我次次都有問恭喜乜
根本我就唔知你恭喜嘅意義向邊.
點解唔講清楚,攪清楚自己先講d野出黎呢??

真係堅唔好將D有意義嘅字用向D唔係咁意義嘅事上面丫
周街有.再有恭喜果日,我真係唔識笑定喊好!
其實唔止呢兩隻字.仲有好多好多字.
當然,我相信人太習慣去做/講一d野時,好難睇到自己架
但比我講足幾年...都仲可以問點解..我反而最想知點解點解.



就好似大獨裁者入面"阿拉甸阿拉甸"咁.即係.UP乜鬼呀你?!


 看到別人等於看到自己...警惕下唔好做傻事先得!慎思慎行!!

EX

舊嗡一篇

EX, 係一個曾經向感情層面好親密既性伴侶
EX, 係一個給你天堂同時亦為你帶來地獄既共體
EX, 係一個向分手時,覺得永遠唔會再聯絡既靈魂
EX, 係一個當你平復之後,以為可以成為知己但又隔住道牆既實體

曾經以為,呢個"曾經"好了解自己,到最後原來並不認識彼此
又以為,分開後既再聚,除去床上接觸,可以如同過去般友好
亦以為,再次聚首,大家可以輕鬆自在,分享彼此既見聞..

但..太多既以為.最終教我學會4個大字

一廂情願!!

答案

間歇性地諗下夢入面嘅說話
得出以下概論

1. 我害怕失去與外界失去接觸嘅能力
2. 當我覺得乏力,需要協助,縱使我願意,卻總覺得沒有人能幫忙,相當無助
3. 改變,令我覺得感覺良好.可當太多太多data時,感覺混亂,令我很討厭!討厭自己不像自己.害怕,也不知怎樣使data變成information.處理..對,如何處理?我知道要靠自己.因身邊沒人會幫你管這個
4. 我也想要一個伴,但也許我在考慮我另外所憂心的..而對於"真相"我好奇,卻又害怕看清..(奇怪)

不過..這似乎就是我...well...處理他吧

夢

小貓子對夢冇研究.不過總覺得每個夢境都係"實況"嘅反映.什至係一D問題嘅"答案"
呢排,小貓子身體唔多好,再加上成日想東想西想東西.
又藥又盛,發左幾個古怪怪嘅夢:


13 : 自己右手的5根手指頭斷了..有血有肉..我哭著問XYZ#@$!(完全聽不見問什麼)感覺很麻痺脹痛.醒了

14 : 我無力的..(應該是卧著)..我伸出手,像是要求救..想有人拉我一把的感覺...我看見了妹妹...她在我身邊..
可是她卻慢慢地透明了..逐步地...我慢慢的看不到她..也許她還在..但我感覺不了..看不見了..

15 : 化妝..我的一位很好的朋友在給我上得整個面部粉白..後來不知怎的..一個誰潑了我一臉的紅..我在以為破壞了什麼,整個妝的感覺卻挺不錯.於是繼續化 下去.我另一位好友在幫我弄頭髮造型.後來有兩個男生,在我眼蓋上蓋印章.我有點發狂了.感覺被破壞了.很憂心的想要擦掉.但又擔心這下又破壞了底層的" 自然"因為擦掉容易.但我回不了"那一刻"
我的朋友看見了,沒停下來.最後完成了.可我覺得很醜..不快樂.最後.有個男生走了過來.跟我說話,相擁.我沒再介意我臉上的一遍混亂.可是也不感激

16 :  我和妹妹離家了.到了我一位舊異性朋友的家..我們坐著.閒聊幾句.他建議我可留下.他的家坐著其他我不認識的人.對面幾條街地上.不明顯的位置有具男性屍體.看來是墮樓吧.還有一堆報紙雜物跟一個乞丐在旁..感覺像沒有人關心似的...我在考慮要不要留下.可是我擔心著妹妹..最後..消防員到了要處理那在垃圾中的屍體.我還在考慮

紀念

細路剛開始果陣.我覺得紀念係=慶祝"生過"OR"新過",(如生日,結婚??)

大大下,紀念...應該係="假期"(冇假期果D念乜鬼??所以冇耐我連自己生日都忘記埋)

再大多DD,紀念係="死"之後做嘅! 911, 屈原,耶蘇

今日我會話,紀念係=未死既人對於一D存在過(生過/新過),有價值(意義)(假期係其中一樣丫),但而家起又不再存在既人事物(死),會做既一D行為或活動.


生日紀念 : 上年的我已"死"(實際係不再存在丫.),你又向N年前"生過"丫.有價值丫(幾十年米飯)又或者意義丫(咁都未死)而我又係未死既人丫.所做嘅活動.正!

痴線啦你..亂諗野!!嗯嗯..係啦.我最鍾意得閒痴下線
記得我成日話我D朋友: 慶乜得野祝丫.屌..我死喇咩?出年冇生日呀??
如果朋友聰明D就話,係呀,上年果個你唔係今日呢個你麻.而你又未死WOR.咪紀念下上年個你唔向到囉. <-- 咁幾好.懶深咁.
然後我好可能好滿足(至少果刻諗唔掂,會乖乖去慶祝自己生日)

(但又好奇怪..我生日我都唔緊..你緊乜JACK...) 痴線啦你

Original date : 16 July 2012