小事

較早前聽朋友講起單＂小事＂
本來平靜得很，但越聽越滾
滾在＂沒反省＂＂沒體會＂＂沒思考＂

任何事，都會引申後果，而後果好壞都係要食
好奇怪，明明好多事可以選擇正正常常去做，但偏偏要挑戰難度。
我真係唔明，呢一時嘅唔正路諗法，向咩情況下，可以向＂行動＂果刻，勝過多年教晦或正常應有智商／思維。

即係好似去爬直壁，明明自己有帶繩帶扣，點解唔用？跌唔死，係好彩，唔係＂冇問題＂。同樣，行澗，明明有行澗鞋，仲乜要著高跟鞋黎行？唔跣到落底，平安行畢係好彩！
當然，大家可以話：車！咁而家冇事呀！爬完壁啦，行完澗啦。
亦當然，就係大部分人，當初預計自己handle到先做，有邊條死蠢蠢到明知死梗都仲做架？
大部分人，做蠢事都因為覺得自己夠醒，問題根本唔會有之麻。
唔好忘記，曾幾何時，自己向新聞睇到：高手徒手爬壁墮崖。我地點講？咪話囉：高手過分自信喇／仲乜唔用扣呀／我地咁低b都知啦！亦會話：條友痴線架？高跟鞋行澗？發神經！
係囉！人地衰時，我地睇到人地白痴、人地危險時，我地會覺得牙煙。但自己呢？咪就做乜七錯事都no big deal囉。
係嘅，可以no big deal!自己對自己負責之麻，就算真係big deal 都係咁話啦，比人話時，實話：預左啦！我有諗過播！（記住，閃過同諗過並唔一樣）anyway ,＂有諗過＂＂預左＂咁咪唔bid deal囉！
係！死自己唔會有問題架！所謂你要自殺你死你事。但其他人呢？
如你同行者因救你而跌死跣死或一齊死，你點孭飛？
又什至乎你自己有安全帶但就叫同行者唔用扣，著高跟鞋行澗呢？
當然，我會講，如果條友真係聽你點，唔用扣，著高跟鞋行澗，我都覺得條友真係死，佢都抵嘅！衰白癡！
當然，跌唔死，可能你地會覺得fun。但我又完全唔明，有咩價值呢到底？得著同損失條數點計都計唔掂！成個model錯晒嘅！而不論跌死與否。呢d都唔係"no big deal"更加冇咩fun!可謂無知至極先會做出呢d類似嘅白癡行徑。
成件事，的覺得最fun嘅只有條友唔知仲乜真係唔落扣又著高跟鞋而矣。
忽視障礙，商業模型錯誤，自我迷戀，歷史傳承，呢臺學左嘅，用黎睇野都唔錯！做事前，再三問下自己，有冇踩中＂戀己障慢客爭型傳理＂

對於呢位又被我＂已控批＂嘅朋友，佢已經有新嘅諗法，體會。我希望，有日係佢自己學會自己點去諗／睇，而非我口爆料。我相信佢有足夠能力睇多幾點，而非我框佢去睇事情的。

抵日遊行

看了有關深圳同胞的＂遊行＂新聞。我也是中國人，當然能感受背後，到底是什麼狀態下，驅使他們這樣做。我深信各位有所行動的同志，都十分愛國！有＂他人＂奪取＂自己＂的東西，當然反抗！國家和人民是沒法分割的！沒人民，不成國，沒國家，那人民也就沒了＂依歸＂國家好，人民好，人民好，國家好。
在看法上，這件＂物＂屬誰已有多年爭議，這些我的確不懂判斷。對於同胞們破壞日產汽車的手段，我卻有另一看法。
不論是什麼汽車或東西，我們會使用是﹐為了某程度的進步。這些原先購入的東西已成為部分同胞的＂個人＂資源。別忘了，這些東西，可也是其他同胞經過努力賺來的錢買下，方便日常運作。那我們為什麼要毀壞其他同胞的財產呢？請想想，我們最初的目的到底是什麼？如果＂敵人＂是＂他人／他國＂那我們做的是＂對抗＂誰呢？而我們現在所毀的，是＂他人＂還是＂自己人＂呢？
老實說，我並沒有什麼高見。只是，我會想，也許售賣東西的同胞，是否可以選擇退回？或也許可以停止引進？而無論如何，我們絕對不是要破壞自己人的資產！問問自己看，我們惱怒的對象是誰？目的是什麼？目標要如何達到？我深信，這些問題的答案，絕對不是新聞中的事！我相信我國人民有能力做到更高更卓越的表達方式！
希望有著高尚情操的各位卓越同胞停止目前所做的，想個能砌底解決／達到目的處理方法。這才叫＂他國＂／＂他人＂真正屈服於我們的智慧之下！我國可是智慧之國^ ^，絕非蠻夷！就以我們最擅長的智慧，去取得勝利吧！

頻撲

呢幾日持續早起
又抵死地中左招
鼻敏感地頭赤赤
仲有大把野未攪
快啲完結就好喇

愛上了

認識，初次接觸，便愛上了。
這算是一遇鍾情？

我們相像也不相像，
但你所蘊藏的智慧，
令我著迷。
你使我暫時忘記煩憂。
我就是如此的喜歡你。

感謝，認識你！

失望-快樂

失望來自現實世界與自己所想象的不一樣。是的，簡單一點來說，假若你有對的程式，配合工作，得出一個最高可能性的＂結論＂。而自己的應性思維卻不願相信。是沒辦法嗎？這不就是方法嗎？如果，＂失望＂會導致＂不快樂＂那麼，還是該選擇＂不舒服＂但不會＂不快樂＂較好。不是嗎？

近來，學習了一個簡單且愉快的方法為自己舒緩緊張及不快。很感恩！而不論我到底是太緊張，太多不愉快等原因喜歡上這個方法，還是因為有趣所以喜歡也好。愛上這個屬於自己且一心一意去做一件事的寧靜感！

死亡 - 下

我地其實到頭來,無論係點表現,每個人都只係為左自己.
唔係咩???

他人生命嘅完結, 喊 : 原因? 太可惜??咩呢?(你自己覺得) 唔捨得(好明顯係自己問題) 佢有太多福未享.. (你比??咁係你冇做好自己丫) 佢之前都太不幸 (咁佢自己揀架,關你咩事?)
他人學業結束, 笑 : 原因?? 好丫.終於完喇 (生命絕對唔會咁睇) 哦,可以回饋社會/父母喇 (明顯靠估,估中都係你恭喜自己丫) 終於完成你自己嘅心願喇 (你點知死果d唔係??) 咪好囉,步入另一階段 (死呢?你又點知唔係??)

當然,講唔同,當中實有好多唔同,但咩導致我地"咁唔同"...點解我地會咁唔同?正確黎講,點解我地會/要睇得咁"唔同"????....

每個人生命都有完結嘅果一日,我地喊,係因為自己.但若果好理性咁睇.我地應該嘗試企向死者嘅立場去諗...如果佢在世時,已經完成佢嘅"心願",佢一直生活都好充實,好快樂.咁我地唔係應該為佢之前有過嘅快樂而為佢高興咩?? ( 人有幾多個可以活得咁正??) 而如果,佢生活一直好無聊,佢好可憐或病得好辛苦.咁呢個結束唔係都係一件好事咩?? 又如果,唉..佢剛剛開始重新做人咋.咁都唔錯丫,佢死前都明白左d正確嘅道理.又或者,呢個本來好人,但最後變左個仆街.well,咁世界小個仆街,佢做小d陰功野.對佢對大家都有so 丫....

噓!!咁人黎架麻...自私就梗架啦.
係,咁喊咪就應該話囉 : 我自私.就係咁囉
而當傷心過後,再諗諗...其實,或者我應該...為佢高興!

人嘅一生亦唔會白過的.




佢係仆街.拍手 (小個敗類)
佢係好人.拍手 (佢嘅人生真係過得good)
佢係慘人.拍手 (終於捱完苦喇)
佢係快樂人.拍手 (好小人嘅一生可以咁happy,讚)

反正,最後我地都係得一條路
條路仲有冇路唔知
冇嘅話,即係套用呢種心態 ( tiu, 世界就黎沒日啦,仲唔有得食就食,有得玩就玩咩) ( yes, 比自己多d經歷,充實人生)
有嘅話 : 唔做好d,第時上面見到咁多兄弟姊妹...點交代呀???


對自己好d,對他人好d.過好自己嘅生活啦

死亡-中

唔記得十幾歲嘅邊一年,我兩位舅婆,仲有一位無親戚關係嘅孤獨老人翟/霍婆婆相繼離世,但我除左知道新年唔會再見到佢地,同再食唔到我其中一位舅婆做嘅菜之外,我都冇太傷感嘅感覺.

第一次見到”死人”係我太麻離世嘅時候.我所有家人都似乎冇乜點喊(完全冇乜印象有人喊過)加上太婆都100零幾歲喇,活過一世紀,算係好長命架喇~而且佢尾果幾年因為跌倒.行又唔到,記憶力嚴重衰退,到我細叔結左婚,生埋BB,太麻就走喇.我唔知係咪個個鄉下都係咁,屍體就咁放向廳到一日一夜,第二日就火化…我只係記得太麻好似訓左覺咁…好似我過往每一隻寵物仔咁…好靜..好靜…

記得有D我救唔返嘅動物仔離世,見住佢地好辛苦咁,身體唔能夠再活動自如,眼睛睜得好大…呼吸好急速…我唔知佢係因為想再望清楚呢個世界,留戀,定因為透唔係好到氣所以咁樣…見住佢地好用力,快而淺嘅呼吸…到最後一啖氣..我只係識喊…到底我係因為佢地辛苦?定係因為我認為佢地所”感受”到嘅諗法,定係因為我”唔捨得”呢?我完全搵唔到答案.

到上年,一隻我好愛嘅小貓離世..由於佢仲係小貓咪時,我向街到帶佢返屋企…整個感覺就好似…一年多D嘅時間到,係睇住佢大..睇住佢走..接著,今年到我舅母離去,佢亦係我媽咪多年黎唯一嘅好朋友.佢亦係我見到嘅第二個離去嘅人類屍體.前前後後,我喊左3次,第一次係見到舅父同表弟強忍眼淚到崩潰嘅情景,第二次係向富山殮房嘅”見面”,好凍…好靜…第三次係我媽咪嘅原因…我似乎感受到佢嘅痛,無助..再之後,我冇再喊了.

回顧返,三十歲人,大大話話都見過唔少生命離開.面對離開嘅次數多過我見證生命嘅來臨,多過我其他嘅所謂”不快樂”事件.到左今年,我好認真咁諗,死亡,對於在生嘅人黎講,其實應該係一樣點樣嘅事.

無論我相信D乜,死亡依然係一個生命嘅完結/結束.某日,我向到諗諗下,完結/結束呢兩隻字,我諗到”旅程””挑戰””學校課程”等等..其實我地嘅反應好迂迴,然後,我又諗到去”慶祝””祝賀”

我唔知我咁諗,係咪有D人會認為我唔係好通定點..不過我大致上係咁睇

我地會向人地嘅旅程,挑戰,學業”完結”時慶祝,但”生命”呢??